Антони испорача величествена асистенција до Иско, па заработи црвен картон поради опасен старт (Видео)

Антони продолжи со своите блескави изданија во новиот клуб, но за жал, Бразилецот во финишот од мечот со Хетафе направи и еден непотребен потег поради кој сега ќе го пропушти натпреварот со Реал Мадрид.

Фудбалерот кој е позајмен од Манчестер Јунајтед фудбалски се препороди во дресот на Бетис, а тоа го потврди со уште една величествена акција при првиот гол на гостите, кои на крајот победија поради двата погодоци на Иско.

Антони претрча 60-тина метри и со својот продор потсети на некогашните акции на Лео Меси, но за да биде уште посовршено, Бразилецот испорача и точна асистенција до Иско кој стрелаше за 0:1.

Поранешната ѕвезда на Реал во вториот дел стрелаше од пенал за 0:2, додека Хетафе во финишот се избори за подостоен пораз од 1:2.

Во судиското продолжение видовме и два црвени картони, еден на Антони поради опасен старт, а потоа и на Дуарте поради втор жолт картон.

Продорот и асистенцијата на Антони погледнете ги ТУКА

Стартот за црвен картон погледнете го ТУКА