Антиќ доби аплаузи и овации од навивачите на Олимпијакос (ВИДЕО)

Првиот човек на македонската кошаркарска федерација, Перо Антиќ беше дел од вечерашната свечена церемонија во Пиреја во која беше повлечен дресот со бројот 15, дрес кој долги години го носеше легендариот Јоргос Принтезис.

Олимпијакос одлучи да му се поклони на Јоргос, да му се заблагодари за се што направи во двата мандати и да го „пензионира“ дресот со број 15, поточно Принтезис стана вториот играч по Василис Спанулис кој доби ваква чест.

Меѓу оние кои беа присутни беше и Антиќ кој е добар пријател со Гркот, а нашата легенда беше дочекана со аплаузи и овации од навивачите во арената „Мир и пријателство“.

Pero Antic in the house to celebrate Giorgos Printezis pic.twitter.com/mFhu7Panbz

— Eurohoops (@Eurohoopsnet) September 6, 2024

Инаку Јоргос и Антиќ заедно освоија две евролигашки пехари со Олимпијакос.