Анри за советот кој му ја спасил кариерата: Венгер ми предочи дека си го трошам времето

Тјери Анри ја заврши кариерата како вистиснка легенда и еден од најдобрите напаѓачи во историјата на францускиот фудбал, но и воопшто во фудбалскиот свет.

Популарниот „Тити“ испиша историја во Арсенал и беше дел од „непобедливиот тим“ на Арсен Венгер, но потоа заврши и во Барселона каде го комплетираше циклусот и ги освои сите титули кои му недостасуваа како онаа во Лигата на шампиони.

Анри и ден денеска е свесен дека огромна заслуга за неговата кариера има Арсен Венгер, човек на кого е голем должник поради тоа што го извлекол од агонијата во која западнал во Италија.

Тјери беше користен во Јувентус како страничен бек и добиваше дефанзивни задачи, а токму една посета на Венгер во Италија направила да се промени цела негова фудбалска историја.

– Неколку години по неговото заминување од Монако, Арсенл дојде да гледа меч меѓу Јувентус и Удинезе од кој и јас бев дел. По натпреварот се враќав за Париз и бевме во ист авион. Тој ми кажа дека го гледал мечот и во тој момент си разменивме броеви. Веднаш ми кажа дека не може да сфати зошто играм како дефанзивно крило. Ми порача дека си го трошам времето и дека тој ме памети како „деветка“ во младинскиот погон на Монако. На заминување, тој ми порача дека ќе биде убаво ако повторно ни се вкрстат патиштата, останатото е веќе историја, – открива Анри, актуелниот олимписки селектор на фудбалскиот тим на Франција.