Анри воодушевен: Тоа што го прави е неверојатно, некои и на тренинзи…

Тјери Анри од пред некое време има нов ангажман и тоа како селектор на младата франциска репрезентација, но тој и понатаму ги следи сите фудбалски настани како и се што се случува и со сениорската селекција на „триколорите“ кој оствари историска победа над Гибралтар од неверојатни 14-0.

Во истата стрелаше и Килијан Мбапе кој на тој начин дојде до 300. гол во кариерата, поточно до овој учинок дојде побрзо и од Лионел Меси и Кристијано Роналдо, односно му беа потребни 24 години и 333 денови.

-Ова што го прави ова момче е навистина надвор од овој свет. Едноставно е неверојатно. Стрелец, асистира, знае се да направи. Секако дека има простор за подобрување, но тоа не е поентата, -рече Анри кој запрашан за тоа до која цифра може да стигне асот на ПСЖ тој рече 1000 по што истакна:

-Се зависи од него. Тој е дечко кој дише за фудбал, кој добро се подготвува, неговиот професионализам и желбата за игра се секогаш тука. 300 гола? Има и такви кои тоа го немаат направено ниту на тренинг, -заклучи Тити.