Анри се повлече од селекторската функција во француската репрезентација

Тјери Анри неодамна ја одведе олимписката репрезентација на Франција до сребрени медали на Олимписките игри во Париз, но и тоа не било доволно за да остане на својата функција и наредниот период.

Прославениот француски напаѓач требаше да ја води У-21 репрезентацијата на „триколорите“ барем до следната година, но решил да се повлече од приватни причини.

Француската фудбалска федерација денеска ја потврди информацијата, изразувајќи жалење што Анри донел ваква одлука.

– Освојувањето на среброто со мојата земја ќе остане еден од најгордите моменти во мојот живот, навистина сум благодарен на сите кои ми овозможија ваква можност, – рекол Анри во своето соопштение за јавноста.

Француските младинци веќе следниот месец ги започнуваат квалификациите за ЕП, а новиот селектор ќе ги предводи на дуелите со Словенија и Босна и Херцеговина.