Анри не стравува од потенцијалните два ривали на Арсенал во четвртфиналето: Време е да се покажеме против најсилните

Арсенал извојува историска победа во Лигата на шампиони и стана првиот тим кој постигнал седум голови на гостински терен во една елиминациска фаза, а триумфот од 1:7 практично го направи тимот од Северен Лондон прв патник во четвртфиналето.

Иако ќе треба да се доработи задачата на домашен терен, јасно е дека Арсенал веќе може да се подготвува за следниот ривал во најелитното натпреварување, а тоа ќе биде победникот од мадрилењо дербито меѓу Реал и Атлетико.

Англискиот претставник ќе има далеку потешка фаза во следната рунда, но Тјери Анри верува дека Арсенал ќе има свои шанси, особено поради фактот што за очекување е да се вратат и Сака и Мартинели.

– Дали имаат шанси против Реал и Атлетико? Одговорот е да, навистина верувам во тоа. Арсенал треба да покаже дека може да игра против најсилните тимови, особено со играчите кои се враќаат од повреди.

– Навистина мислев дека ќе биде потешко против ПСВ, особено на гостински терен. Сепак, Арсенал направи ова да изгледа премногу лесно, одиграа извонреден натпревар и најдобар доказ за тоа е резултатот. Исто така, мислам дека работата во Премиер лигата е завршена, треба да се случи нешто чудно за да има промени. Токму поради тоа, сметам дека Арсенал ќе има дополнителна помош да се насочи на Лигата на шампиони, – порачува Анри.