Поврзете се со нас

Англија

Анри: Гвардиола не е истиот, мене ми се случи истото во Барселона

Објавено

на

Foto:twitter.com/equipedefrance

Тјери Анри како голем фан на Арсенал уживаше во големата победа која ја оствари неговиот омилен тим над Манчестер Сити, но истовремено призна дека чувствувал и малку тага поради сликата која се создава за неговиот пријател и поранешен тренер, Пеп Гвардиола.

Шпанскиот стручњак се соочува со најголемата резултатска криза во својата кариера и тоа доаѓа во период кога се разведува од својата сопруга, приватен проблем кој според Анри дефинитивно влијае и врз спортскиот проект на англискиот шампион.

– Малку ми е жал за тоа што му се случува на Манчестер Сити, особено поради една работа. На Пеп Гвардиола сигурно не му е лесно да прави баланс меѓу работата и тоа што му се случува во приватниот живот.

– Мене ми се случи истото кога играв во Барселона. Не е лесно да се справите со тие работи, не е лесно да имате успех на спортско поле кога не сте ментално здрав.

– Се гледа дека Пеп не е оној истиот како обично. Морав да се справувам со таков проблем во Барселона и само ќе ви кажам дека не е воопшто лесно. За жал, во фудбалот нема време за ништо, мора да продолжите напред и во ситуации кога не се чувствувате најдобро, – потенцира Анри.

Advertisement
Advertisement

Италија

Advertisement

Популарни