Анри е фан на Барса, но е воодушевен од менаџментот на „кралевите“ : Реал заслужува посебни пофалби за една работа која ја врши (Видео)

Тјери Анри е голем фан на Барселона и поради тоа познато е дека не чувствува големи симпатии кон Реал Мадрид, но во моментите кога треба објективно да дава коментари за „кралевите“, Французинот дефинитивно не потфрла.

Во вчерашното гостување во студиото на „Си-Би-Ес“, популарниот Тити направил една интересна анализа за Реал пред натпреварот со РБ Лајпциг во Лигата на шампионите, објаснувајќи што го прави Реал извонрено добар и поразличен од другите клубови кога е менаџирањето на играчи во прашање.

Поентата на Анри е дека Реал предводен од Флорентино Перез знае да го одбере вистинскиот момент за да се ослободи од играчи кои одбележале една ера во клубот, а потоа да ги замени истите со нови сили кои треба да бидат иднина во светскиот фудбал.

– Една од работите за кои мора да му се даде голема пофалба на Реал е способноста да конструираат тим, а притоа старата гарда на играчи е задолжена да им објасни на новите играчи какво значење има клубот.

– Гледајќи од оваа перспектива, ако Мбапе заврши во Реал, тие ќе имаат тим од млади играчи кои ќе доминира во Европа или во Ла Лига шест или седум години. Винисиус Жуниор, Мбапе ако оди таму, Родриго, Валверде, Чуамени…….. Една работа која ја прават многу добро е тоа што знаат кога да се ослободат од играчи. Не зборувам за играчи од кои е логично да се ослободите, зборувам за играчи како Роналдо. Му беше време да си оди, му беше време и на Касемиро, му беше време на Озил. Му беше време и на Варан за кого слушнав дека проблем претставувала повредата со коленото…..

– Кога ги гледате Касемиро, Модриќ и Крос, тие го продадоа најмладиот од ова трио. Се прашувате зошто го продадоа најмладиот? Бидејќи сфатија дека останатите двајца можат да ги туркаат Валверде, Чуамени и Камавинга. Тие го прават тоа толку добро и мора да им се оддаде признание за тоа. Играчите кои ги набројав беа извонредни за тимот во периодот кога си заминаа, – објаснува Анри.

"One thing they do ever so well is they know when to get rid of players."

Thierry explains how Real Madrid stay on top by balancing the exiting old guard with an influx of young talent 🔝 pic.twitter.com/sxEcoPHDPR

— CBS Sports Golazo ⚽️ (@CBSSportsGolazo) March 6, 2024