Анхелињо изнуди пенал, Дибала донесе победа за Рома (Видео)

Клаудио Раниери дефинитивно ја стабилизираше Рома и направи „волчицата“ да се искачи до горниот дел на табелата, па по денешната победа над Венеција, тимот од Рим е сигурен на деветтата позиција.

Во еден натпревар кој не донесе премногу возбудувања на двете страни, како клучен се покажа еден невнимателен старт во 57-та минута, по кој Пауло Дибала доби шанса да стрела од белата точка.

Разиграниот Анхелињо се избори за најстрога казна, а прецизен реализатор на истата беше Дибала кој испрати силен удар во десната страна од голот.

Рома ја победи Венеција на нејзин терен за првпат по далечната 1999-та година, па сега е во серија од осум меча без пораз во домашното првенство.

За разлика од Рома, Венеција останува во долниот дел од табелата, односно со 16 освоени бода е претпоследна во друштво на Монца и Парма.

Видеото погледнете го ТУКА