Англиските фанови шокирани за поништениот гол на Саутемптон: Уште еден ВАР грабеж (Видео)

Брајтон и Саутемптон го отворија новото коло во Премиер лигата со петочно реми, но гостите имаат сериозна забелешка за судиите во ВАР собата.

„Светците“ не само што израмнија на ова гостување, туку Камерон Арчер постигна и гол за пресврт, но истиот е поништен по долгата ВАР проверка која траеше речиси пет минути.

Англиските фудбалски фанови реагираа жестоко на социјалните мрежи, нарекувајќи ја одлуката „уште еден ВАР грабеж“ и срам за англиските судии кои одлучуваат за распределба на бодовите во натпреварување какво што е Премиер лигата.

Голот е поништен затоа што при клучното додавање, Адам Армстронг е во офсајд, па иако нема контакт со топката, наводно му попречил на противничкиот голман да реагираа соодветно во обидот да спречи гол. Објаснувањето не е многу убедливо, пред се затоа што е нејасно како голманот можеше да промени нешто во оваа ситуација, а тоа го покажуваат и повторените снимки од ситуацијата.