Англискиот селектор за статусот на играч на Арсенал: Тој побара да не го контактираме

Англиската фудбалска репрезентација ја отвори новата сезона во Лигата на нации со две победи, а актуелниот англиски селектор Ли Карсли може да биде задоволен од начинот на кој се освоени бодовите во првите настапи по финалето на последното ЕП.

Карсли на располагање има навистина многу квалитетни играчи, но меѓу нив не е Бен Вајт, кој веројатно нема ни да се врати во националниот тим.

Фудбалерот на Арсенал влезе во конфликт со претходниот селектор Герет Саутгејт уште на СП во Катар, а Карсли не планира да го враќа во националниот тим додека ја извршува функцијата.

– Не планирам да го повикувам Вајт.

– Сите фудбалери кои имаат можност да настапуваат за Англија се во комбинација, но колку што знам тој побарал да не биде контактиран од наша страна.

– Конкуренцијата е важна, задоволен сум од изборот кој го имаме на сите позиции, но ситуацијата со Вајт не може да се промени, додека тој не покаже некаква иницијатива, – рекол Карсли.