Англиската сензација посебно истакна еден соиграч: Покажете малку почит

Џуд Белингем ги собра речиси сите пофалби од англиската спортска јавност по пласманот на репрезентацијата во четвртфиналето на Светското првенство, а покрај новинарите, доста позитивно настроени беа и поранешните фудбалери кои сега имаат улоги на стручни коментатори.

Младиот 19-годишен играч за врска се претвора во вистинска сензација на мундијалот во Катар и се истакнува како лидер во играта на својата селекција, бидејќи вчера беше клучен за два од трите гола кои ги постигна Англија против Сенегал.

Фудбалерот на Борусија Дортмунд се претвори во топ тема на Островот, но во моменти кога добива големо внимание од новинарите, тој реши да застане во одбрана на Џордан Хендерсон кој вчера одговори со гол по низата критики за неговата игра.

– Голот кој го постигнавме за водство во мечот беше навистина добро одработен. Сметам дека Џордан имашеш навистина брилијантно издание денеска.

– Во изминатиот период читав лоши коментари за него и тоа е вистинско ѓубре. Смешно е да се зборува тоа за него. Тој е толку потценет на техничко ниво, а секогаш дава најдобро на големата сцена. Постигна важен гол и време е да се покаже малку почит, – изјавил Белингем.