Англиската федерација донесе одлука за обвинението од Барнли на сметка на Алиоски

Англиската фудбалска федерација конечно ја разгледуваше дисциплинската постапка за нашиот репрезентативец Езџан Алиоски, кој беше пријавен од фудбалерот на Барнли, Двајт МекНил.

Алиоски и МекНил имаа дуел на теренот, по што членот на Лидс направи неколку гримаси на сметка на противникот, а неименуван претставник на Барнли решил да го пријави противничкиот фудбалер во федерацијата.

Алиоски сепак нема да одговара за својата постапка, а од ФА велат дека спровеле детална истрага со многу интервјуирани сведоци, но никој од нив не тврдел дека потегот на фудбалерот на Лидс Јунајтед бил дискриминаторски кон противникот.

Бесплатен циркус од Џани: Алиоски влезе во клинч со МекНил, па му се потсмеваше со гримаси (Видео)

Случајот официјално е затворен поради недостиг на докази, па Алиоски е ослободен од обвинението за овој инцидент.

Засега не е јасно дали Алиоски и следната сезона ќе настапува во Премиер лигата, бидејќи му истече договорот со Лидс, а засега нема одлука каде ќе ја продолжи сезоната.