Англиска легенда во трка за тренер на Рома

Иван Јуриќ е на излезна врата од Рома, односно се чини само прашање на на време кога Хрватот ќе добие отказ и калчолигашот ќе добие нов тренер.

Такви барем се најавите од медиумите на Апенините кои веќе излегоа со листа на потенцијални наследници на Иван Јуриќ, па според „Газета Дело Спорт“ во најтесен круг се три имиња Пауло Соуза, Масимилијано Алегри и интересно англиската легенда Френк Лампард.

Соуза и Алегри добро го познаваа италијанскиот фудбал, додека пак за Лампард ова би било сосема ново искуство во кариерата и животот со оглед на тоа што безмалку целиот свој живот како играч и тренер има работено во Англија (исклучок е една сезона во Њујорк Сити).

Како други потенцијални имиња на списокот се споменати уште Грем Потер, Роберто Манчини и Маурицио Сари, ама овој последниот тешко дека би можел да ја добие довербата на управата со оглед на тоа што претходно го водеше Лацио, па тоа сигурно дополнително би ги разбеснило навивачите на „волчицата“.