Англија му отвора врата на искусниот стопер: Хумелс има прималива понуда од премиерлигашки клуб

Матс Хумелс вчера и официјално ја одби понудата од Болоња за преселба во италијанскиот фудбал, а германските медиуми денеска информираат дека искусниот стопер имал добра причина за тоа.

Доскорешниот капитен на Борусија Дортмунд во досегашната фаза на летниот преоден рок најмногу се поврзуваше со преселба во Италија, но сега му се отвора една добра врата од Премиер лигата, и понудата која ја има на масса е навистина примамлива.

Угледниот германски „Скај“ се повика на свои добри извори и новинарот Флоријан Плетенберг информира дека Хумелс сега е блиску до трансфер во Англија, бидејќи сериозно ја разгледува понудата од Брајтон.

Новиот менаџер Фабијан Хурцелер ги искористил своите контакти за да стапи во директна комуникација со Хумелс, на кого му понудил да биде дел од неговиот тим во англиската елита.

Брајтон со добри очи гледа на фактот да придобие големо искуство во одбраната, бидејќи Хумелс со своите настапи минатата година јасно покажа дека се уште може да игра на највисоко ниво.

🚨🔵 Excl | Brighton, seriously considering to sign #Mats Hummels as a free agent ✔️

There was a phone call between coach Fabian Hürzeler and Hummels in the last days. About Brighton‘s project, Hummel‘s ambition and more.

Brighton, very open to sign Hummels as an experienced… pic.twitter.com/ZYwIbGdHmO

— Florian Plettenberg (@Plettigoal) August 6, 2024