Поврзете се со нас

Репрезентација

Ангеловски: Ветувањето го исполнив, верувам сите заедно ќе се радуваме на нови големи победи

Објавено

на

blank

Тоа што изминативе денови се најавуваше денеска доби официјална потврда-Игор Ангеловски останува на клупата на нашата репрезентација и ќе го води националниот тим на Европското првенство.

Во јавноста се појавија одредени дилеми за тоа дали Ангеловски ќе продолжи како селектор со оглед на тоа што договорот му заврши на крајот на минатата календарска година, меѓутоа во целиот овој период ниту популарниот Мрме, ниту ФФМ не дадоа никаква изјава, навестување дека тоа нема да се случи.

Сега сите тие дилеми се разрешени и човекој кој од 2015 година ги води „црвено-жолтите“ и на македонскиот фудбал му го донесе најголемиот успех, историскиот пласман на ЕП останува на фунцкијата и ќе ги води Пандев, Алиоски, Елмас, Николов и компанија во битките против Холандија, Украина и Австрија.

Благодарност до претседателот на федерацијата и Управниот одбор за довербата. Не се сомневам дека репрезентацијата, како и досега, ќе ги има најдобрите услови за работа. 

Ќе го вложам сиот свој потенцијал да возвратиме со добри игри и да ја продолжиме успешната резултатска низа. Како што ветив и пред јавноста, сѐ она што ми беше понудено во форма на договор го прифатив, а националниот го ставив пред личниот интерес. Благодарност до капитенот, фудбалерите од репрезентацијата и јавноста за поддршката. 

Верувам дека сите заедно и сложно повторно ќе се радуваме на големи победи, а овој пат ќе славиме сите заедно низ улиците на нашиот град и нашата држава, –истакна Ангеловски во својата прва изјава по потврдата на новиот договор.

Реклама
Реклама
Реклама

Популарни