Андреевски: Емоциите на страна, одиме на победа за пехар

Македонската кошаркарска селекција до 18 години ја надигра Бугарија со 92:68 и со тоа ја продолжи победничката серија и обезбеди пласман во финалето на Европското првенство-Б дивизија.

Со овој триумф ние дојдовме до пласман во елитната кошаркарска дивизија, но оваа приказна може да биде заокружена со пехар, славје во СЦ „Борис Трајковски“. За тоа ние е потребен триумф над Австрија на дуелот кој е закажан за 21:30 часот, репрезентација која исто како и нашата е перфектна на досегашниот дел од турнирот во Скопје.

-Денес влегуваме малку порастоварени, бидејќи главната цел ја остваривме, а тоа е влез во ‘А’ дивизијата. Но се разбира и кон овој меч ќе влеземе максимално посветено и ќе се обидеме сите да ги израдуваме со злато. Емоциите ги тргнуваме на страна, играме храбро како и секогаш . Одиме на уште една победа. П.С „Ве чекаме сите во сала, во уште поголем број од вчера, -порача селекторот Горан Андреевски.