Андреевски бара помош од навивачите: Со полна сала можеме да ја победиме Бугарија

Македонската кошаркарска репрезентација до 18 години блеска на Европското првенство-Б дивизија што се игра во Скопје, односно е на добар пат да дојде до елитната група со тоа што мора да се минат завршните чекори.

Нашите надежи вчера ја решија Португалија, но време за славје, одмор нема затоа што денеска имаме полуфинале со Бугарија, меч на кој ако победиме обезбедуваме место во „А“ дивизијата.

-Во полуфинале нė чека репрезентацијата на Бугарија, екипа со одлични поединци. Ќе одлучуваат нијанси. Ќе влеземе многу посветено во натпреварот, очекувам максимално залагање во одбраната, посебно врз нивниот најдобар поединец Гаваљугов“.

-Играчите се подготовени и мотивирани. Се надевам дека ќе ја израдуваме публиката со уште една победа. Очекуваме полна сала во борба за големото финале, -вели селекторот Горан Андреевски.

Средбата во Спортскиот центар „Борис Трајковски“ се игра од 18:30 часот.