Анчелоти: Заврши периодот за адаптација на Мбапе !

Карло Анчелоти придодаде уште една престижна титула во својата богата тренерска кариера на крајот на 2024-та година, па откако стана најуспешен тренер во историјата на Реал Мадрид, ИТалијанецот е пред еден завршен предизвик во оваа календарска година.

Реал се враќа на домашен терен после извесно време и ќе игра дерби натпревар против Севилја на „Сантијаго Бернабеу“, дуел на кој јасно е дека „кралевите“ ќе имаат голем императив да ги освојат трите бода.

Анчелоти нагласи дека единствена цел на Реал по освоениот трофеј на Интерконтиненталниот Куп е да се заврши годината со победа против Севилја, но говореше и за формата на Килијан Мбапе која доби нагорна линија на последните неколку меча.

– Заврши периодот за адаптација на Мбапе. Ја покажа својата подобра верзија на последните натпревари и мислам дека уште многу може да се подобри.

– Се опорави добро од повредата која му правеше проблеми, максимално е мотивиран и игра со голема страст за Реал. Му беше потребно време да се прилагоди, на сите им е потребно такво нешто, но тој период за него веќе заврши, – потенцира Анчелоти.