Анчелоти за вториот случај „Арда“ во Реал: Неправеден сум кон него, но…

Бразилецот Ендрик на стартот на оваа сезона ја има истата судбина како Арда Ѓулер пред една година, бидејќи Турчниот сериозно мораше да се изначека за да добие вистинска шанса од Карло Анчелоти.

Дури на стартот на втората сезона, Арда се почесто го гледаме во стартниот тим на италијанскиот стручњак, а како што стојат работите, нешто слично може да се очекува и со Ендрик.

Иако Бразилецот веќе постигна два гола, досега собра едвај 30 минути на теренот како играч на Реал, а истите беа распоредени дури во шест натпревари.

Ендрик вчеравечер против Еспањол доби седум минути, па по крајот на натпреварот Анчелоти призна дека е неправеден кон талентираниот напаѓач.

– Од една страна сум неправеден кон него бидејќи тој тренира добро и има многу голем потенцијал, но од друга страна…….. Треба да разбере дека во моментов пред себе ги има Родриго, Винисиус и Мбапе. Мора да има трпение и да ја чека својата шанса во Реал, – изјави Анчелоти.