Шпанија

Анчелоти за стратегот кој се најавува како негов наследник во Реал: Му посакувам…

Објавено

на

26 септември, 2023

Од

Карло Анчелоти и оваа сезона е на клупата на шпанскиот великан Реал Мадрид, сезона која може да биде и негова последна во овој мандат на „Сантијаго Бернабеу“.

Тој има договор до 2024 година и засега нема најави дека соработката може да биде продолжена, поточно се поверојатно е Италијанецот да стане селектор на бразилската репрезентација. Реномираната „Марка“ веќе посочи кој може да го замени, наследи дон Карло-тоа е шпанската легенда Чаби Алонсо кој во овој момент има квалитетни резултати со бундеслигашот Баер Леверкузен.

„Марка“: Перез веќе го има избрано наследникот на Анчелоти

Околу оваа можност проговори и самиот Анчелоти кој во свој стил порача:

-Го имав (Алонсо) како играч. Има познавање на фудбалот на високо ниво, одлично му оди со Баер Леверкузен. Му посакувам еден ден да биде тука, како Раул или Арбелоа. Тие се луѓе кои ги познавам и многу ги сакам. Се надевам дека еден ден ќе можат да бидат тренери на Реал Мадрид, -истакна Карло кој е среќен во сегашниот клуб.

-Сите знаат дека овде сум многу среќен, се чувствувам многу добро, но тоа не е најважната тема за разговор (обновување на договорот). Има многу натпревари. Тоа (критиката) воопшто не ми пречи. Секој може да каже што сака, но јас морам да се фокусирам на мојата работа, -заклучи трофејниот стручњак.