Анчелоти за ситуацијата со Белингем: Засега не му е потребна операција, но…

Џуд Белингем е најдобриот, најконстантниот играч на Реал Мадрид во оваа сезона, сезона во која „кралевите“ досега се соочија во многу пехови, повреди на доста фудбалери.

Мала пауза мораше да направи и Белингем поради проблемот со рамото, повреда која докрај не е елиминирана, постои и тој минува низ посебен процес, работа за да се биде како што треба.

-Имаше некои работи во теретана каде се погрижи за зглобот кој го повреди против Наполи. Со рамото тој мора да заврши специфична работа за да се грижи за тоа, а со секој изминат ден е се подобар, -истакна Анчелоти кој засега отфрли операција на рамото иако е тоа е можна опција проблемот не биде решен.

-Засега не е исклучено. Рамото е одреден зглоб, ако се влоши, тогаш може да му треба операција. Но, во моментов тоа е надвор од игра бидејќи се чувствува добро и се подобрува секој ден. Ако често излегува, тогаш можеби, -заклучи Италијанецот.

Реал во оваа рунда му гостува на Бетис на „Бенито Вилјамарин“.