Анчелоти за реакцијата на Винисиус Жуниор: Плачеше со часови!

Винисиус Жуниор се уште е повреден и уште некое време нема да му биде на располагање на тренерот Карло Анчелоти, но се се движи во позитивна насока и Бразилецот може да се врати на терените порано од очекувањата.

-Повредата добро зараснува. Тој го зголеми обемот на работа и следната недела постепено ќе почне да тренира со тимот. Мислам дека ќе се опорави порано од предвидените шест недели, -откри Анчелоти.

Стратегот воедно обелодени каква била реакцијата на крилото откако не се најде меѓу номинираните за наградата „The Best“ на ФИФА.

#TheBest FIFA Men’s Player Nominees! 🏆🎉

🇦🇷 Julian Alvarez
🇭🇷 Marcelo Brozovic
🇧🇪 Kevin De Bruyne
🇩🇪 Ilkay Gundogan
🇳🇴 Erling Haaland
🇪🇸 Rodri
🇬🇪 Khvicha Kvaratskhelia
🇫🇷 Kylian Mbappe
🇦🇷 Lionel Messi
🇳🇬 Victor Osimhen
🏴󠁧󠁢󠁥󠁮󠁧󠁿 Declan Rice
🇵🇹 Bernardo Silva

— FIFA World Cup (@FIFAWorldCup) September 14, 2023

-Винисиус плачеше во соблекувалната. Го прашав „што се случува“, а тој кажа: „Не ме ставија на листата“. Плачеше три или четири часа и не успеавме да го натераме да престане“, се пошегува Италијанецот кој ја спрема екипата за соочувањето со Реал Сосиедад на „Сантијаго Бернабеу“.