Анчелоти за позицијата на Белингам: Мбапе нема ништо да промени

Карло Анчелоти на последната средба со новинарите зборувал и за позицијата на Џуд Белингам во новата сезона, односно влијанието на Килијан Мбапе врз евентуалното репозиционирање на англискиот репрезентативец во тимот на Реал Мадрид.

Предводникот на шпанскиот и европскиот првак потенцирал дека пристигнувањето на Мбапе и неговото вметнување во составот на Реал нема да значи задолжителна промена во подефанзивна насока за Белингам.

– Ништо не се менува за Белингам, апсолутно ништо.

– Тој изненади многумина во првата сезона во Реал, затоа што покажа неверојатен квалитет и зрелост. Не очекувам да биде нешто поразлично во новата сезона.

– Џуд повторно ќе биде еден од нашите најдобри играчи и ќе им дава сериозна поддршка на соиграчите. Сметам дека играше одлично и на ЕП, а неговата репрезентација стигна до финалето, – рекол Анчелоти.