Анчелоти за потегот кој се уште го прогонува: Најголемата грешка ја направив после мојата прва година во Реал

Карло Анчелоти се уште ужива во својата втора етапа во Реал Мадрид и засега не планира во брзо време да го заврши ова искуство, но во ексклузивното интервју кое го направи за „Франс Фудбал“, искусниот стручњак откри интересни анегдоти за познатиот магазин.

Во чест на признанието кое му беше доделено на свечената церемонија во Париз (најдобар тренер во светот), Анчелоти седна на маса со водечките уредници на медиумот, на кои им ја откри и најголемата грешка која ја направил во својата богата тренерска кариера која трае три децении.

– Фудбалот е игра во која е невозможно да носите само добри одлуки. Во 30 години, невозможно е да бидете постојано добри во секој поглед.

– На пример, имав еден многу лош потег тука во Мадрид, тоа се случи после мојата прва година (2014). Бев многу блиску до продолжување на договорот, клубот сакаше да ме осигура.

– Јас тогаш решив да вршам притисок во однос на платата која ја добива и тука прекинаа преговорите. Тоа беше голема грешка, најголемата што можев да ја направам. Како и да е, од грешките се учи и јас научив од истата, – открива Анчелоти.