Анчелоти за номинациите за „Златна топка“: Го разбирам Родриго

Денешната прес-конференција на Карло Анчелоти била интересна поради тоа што предводникот на Реал Мадрид зборувал на многу теми, а новинарите побарале мислење од него и за реакцијата на Родриго во однос на номинациите за признанието „Златна топка“.

Бразилецот не се најде на списокот од 30 номинирани играчи, на кој има дури шест фудбалери на Реал Мадрид, а тој индиректно ја потврди својата зачуденост со објава на социјалните мрежи.

Анчелоти застанал зад својот играч и потенцирал дека и самиот не разбира зошто Родриго бил „заборавен“ од луѓето кои одлучувале за номинираните.

– Тој заслужува да биде во тоа друштво и разбирам зошто е вознемирен.

– Некој очигледно заборавил за неговиот учинок во Лигата на шампионите, голот против Сити, може да игра на различни позиции и никогаш не разочарува.

– За мене тој е важен исто колку оние што се номинирани како Винисиус и Мбапе, – рекол Анчелоти.