Анчелоти за неговата иднина: Договорот е…

Реал Мадрид е пред супер значаен период во оваа кампања, период во кој многу работи ќе бидат јасни во однос на дали се остварени целите на натпреварувачката 2024/2025.

Изданијата на „кралевите“ не се блескави, резултатите не се баш најдобри иако екипата се уште е во игра за трите најважни пехари. Фактот дека Реал заостанува зад Барса во трката за пехарот во Примера и тешкиот пораз од Арсенал во четвртфиналето на Лигата на шампионите одново донесоа многу прашалници во однос на иднината на тренерот Карло Анчелоти на „Бернабеу“.

Тој се повикува на тоа дека има договор до 2026 година, ама во исто време е свесен дека работите можат брзо да се променат ако не се промени актуелната ситуација.

-Не треба да зборувам за работи за мојата иднина, бидејќи договорот е сосема јасен. Што и да е, за тоа ќе се зборува на крајот од сезоната. Клубот секогаш ме поддржува, особено во тешки моменти, -порачал Италијанецот во пресрет на денешниот натпревар со Алавес во Ла Лига.