Анчелоти за играчот кој стана недопирлив во Реал: Три работи го прават незаменлив

Карло Анчелоти не беше баш задоволен од сите свои играчи по победата над Валјадолид со резултат 3:0, но сепак Италијанецот истакна еден фудбалер кој според него добил статус на недопирлив во тимот на Реал.

Искусниот италијански стручњак со доста емоции го славеше голот за водство на Феде Валверде и го пречека Уругваецот со раширени раце во прегратка, но додеак го правеше тоа, му се обраќаше со зборовите „Ти реков, ти реков“.

Очигледно Карло го советува Феде што почесто да шутира и да го користи својот силен удар како оружје против ривалите, а тоа вчера му донесе предност на Реал со гол од слободен удар.

Во својата анализа по мечот, Анчелоти посочил дека Тони Крос не можел да најде подобар играч на кој ќе му ја додели „8-та“, бидејќи Феде сега е важен за Реал какошто беше Германецот со години наназад.

– Феде Валверде стана незаменлив за нас поради својот квалитет, силата која ја презентира и интелегенција која ја поседува. Тони Крос избра перфектен играч за да ја наследи неговата „8-ка“, – изјавил Анчелоти.

Valverde went to hug Ancelotti after scoring pic.twitter.com/ioZU7NsAYk

— Dr Yash  (@YashRMFC) August 25, 2024