Анчелоти за играчот кој долго се загреваше, а повторно не доби шанса: Треба да работи повеќе

Реал Мадрид профитираше од трите кикса на Барселона и дојде на само минус еден од каталонскиот гигант, но ако се знае дека тимот на Карло Анчелоти има натпревар помалку, тогаш математиките дефинитивно одат во прилог на „кралскиот клуб“.

По тешкиот „Ел Класико“ пораз, Реал брзо се рехабилитираше и нанижа серија позитивни резултати во Ла Лига, а последниот беше остварен денеска над Хетафе.

Реал во малото градско дерби славеше со 2:0 во натпревар на кој во стартната постава се врати Родриго, но и покрај тоа што надвор од тимот се уште е Винисиус, Ендрик дури и во таква ситуација не доби вистинска шанса.

Иако се загреваше, Ендрик остана неискористена замена на италијанскиот стручњак, кој по натпреварот му порача на младиот Бразилец дека има само еден начин да се избори за поголема минутажа.

– Што е потребно за да игра повеќе? Треба да работи повеќе. Не влезе во игра бидејќи Мбапе беше многу опасен, а добри беа и останатите играчи во нападот. Треба да продолжи да работи напорно и да биде подготвен за следниот меч, – порача Анчелоти.