Анчелоти за гестот кој му донесе критики на Винисиус: Ова стана неподносливо

Винисиус Жуниор го замолкнуваше гледалиштето на „Аноета“ откако постигна гол од пенал и таквиот гест му донесе критики и од Пеџа Мијатовиќ, поранешниот напаѓач на Реал Мадрид кој порача дека Бразилецот не си помага со постапки со кои дополнително ги провоцира фановите.

Еден ден по натпреварот, се појавија видеа кои открија дека Винисиус одново бил навредуван по крајот на првото полувреме и всушност неговата реакција била само одговор на прозивките, по што на негова страна одново застана Карло Анчелоти.

По серијата критики кои ги доби за својата прослава, Бразилецот одново е актуелен поради нефудбалска тема на теренот, па Анчелоти посочи дека ситуацијата со неговиот фудбалер на моменти е неподнослива.

– Ова што се случува со Вини е неподносливо. Ги сфаќам свирежите за еден ривал, но тоа што го поднесува тој не е нормално.

– Никој не може да го издржи тоа, не би можел ниту јас. Гестот со кој го замолка гледалиштето за мене е сосема нормален после тоа што се случи. Тоа беше реакција на многу грд потег од трибините, – изјави Анчелоти.

🤫Vinicius mandó callar al Reale Arena tras el gol.

📝¿Qué te parece la celebración? pic.twitter.com/vZ3pkOQ2s5

— El Chiringuito TV (@elchiringuitotv) September 14, 2024