Анчелоти: Вчера му се налутив на Белингам, нека внимава за следниот пат……

Карло Анчелоти не обрна никакво посебно внимание на „Ел Класико“ поразот од Барселона и воопшто не се грижи за резултатот од овој натпревар, особено поради фактот што го искористи овој меч да им даде шанса на голем број млади фудбалери.

Дон Карло се уште не може да смета на седум сигурни стартери кои имаа продолжена сезона поради репрезентативните обврски, а при пристигнувањето во Шарлот, Италијанецот се огласи во свој стил и не пропушти шанса да го „пецне“ Белингам.

Реал Мадрид отпатува во Шарлот каде ќе ги одработи последните подготовки од турнејата во САД, по што ќе врати во Шпанија каде ќе се приклучат и Валверде, Карвахал, Чуамени, Камавинга, Мбапе, Менди и Белингам.

– Не сме комплетни и останувам во контакт со сите кои уште се на одмор. Ќе ви откријам дека вчера ме налути Белингам поради тоа што не ми одговори на телефон.

– Веднаш откако не ми се јави, му порачав на Винисиус да му заѕвони, а тој му одговори од прва. Винисиус ми го додаде телефонот и зборував со него. Нека внимава за следниот пат…., – со насмевка на лицето откри Анчелоти.