Анчелоти: Тој е клучен играч за нас, такви има многу малку на пазарот!

Реал Мадрид го очекува дуел со Рајо Валјекано, меч на кој „кралевите“ имаат една и единствена цел да ги освојат трите бода на „Валјекас“.

Тренерот Карло Анчелоти сигурно ќе извади тим кој ќе има задача да одговори на предизвикот, а останува да видиме дали третпат во низа во срцето на одбранта ќе видиме Антонио Ридигер и Орелијан Чуамени.

На двата меча против Џирона и Аталанта, „кралевите“ остварија победи, но имаше одредени коментари, реакции зошто на стоперската позиција не игра Раул Асенсио наместо Чуамени, ас кој пак дефинитивно посакува да игра на средината на теренот.

-Првото нешто е да му се заблагодариме за неговата посветеност, неговиот алтруизам. Да се ​​игра таму без да се жали и да се искористи најдоброто од тоа. Против Аталанта и Џирона се снајде многу добро и не случајно ги добивме тие два натпревари со него. Имајќи предвид дека тоа не е негова позиција, туку тоа го прави за тимот, -истакна Анчелоти.

Во еден дел од кампањата имаше доста критики за играта на Чуамени, па дел од медиумите посочија дека управата го загубила трпението со него и дека е подготвена да се откаже од него, нешто што според дон Карло би било грешка.

-Тој е клучен играч за врска за нас, такви има многу малку на пазарот, но ние сме во итен случај, -истакна Италијанецот.