Анчелоти со три новитети за повредени играчи пред клучниот меч со Аталанта

Реал Мадрид ја победи Џирона со 0:3 и им се врати на победите во Ла Лига, но следниот меч на „кралевите“ во Лигата на шампионите според многумина е клучен за нивната судбина во Европа оваа сезона.

Европскиот шампион се стави во ситуација да мора да победува во Бергамо по секоја цена, а најавата за ова дерби не беше целосно добра поради двете повреди на кои се пожалија двајца играчи на „Монтиливи“.

Џуд Белингам и Ферлан Менди предвреме го завршија мечот, но бидејќи во увертита за натпреварот отпадна и Родриго, Карло Анчелоти мораше да дава новости за сите тројца споменати.

– Со Белингам не сакавме да ризикуваме, се работи само за удар. Џуд ќе биде достапен за натпреварот против Аталанта. За разлика од него, Менди заработи мускулна повреда и нема да патува во Италија.

– Што се однесува до Родриго, тој не се чувствуваше добро пред гостувањето кај Џирона и решивме да го поштедиме. Го оставивме да работи во Валдебебас, но тој ќе биде достапен за Аталанта исто како и Џуд, – изјави Анчелоти.