Анчелоти со порака до Мбапе и Ендрик: Наша должност…

Реал Мадрид и во оваа сезона има високи амбиции и цели, тим кој е освежен, засилен со двајца офанзивци во имињата на Килијан Мбапе и Ендрик.

Мбапе важи за еден од најдобрите светски фудбалери, а Ендрик за еден од најталентираните, па повеќе од јасно е дека двајцата ќе дадат придонес и да помогнат да се остварат, реализираат зацртаните планови.

Французинот иако не блеска успеа да даде три гола за Реал, додека пак Бразилецот засега најчесто влегува од клупата за резерви и има еден постигнат гол. Јасно е дека допрва се очекува најквалитетното од нив, па Карло Анчелоти како искусен стратег испрати пораки до нив.

-Реал Мадрид има многу високи стандарди бидејќи е најголемиот клуб во светот. Мора да можете да го доведете нивниот квалитет во служба на клубот. Тоа е она што се обидуваме да го правиме секоја година. Оваа година новите играчи како Килијан и Ендрик одлично се прилагодуваат.

-Ќе имаме одлична сезона да се натпреварајјќи се во сите натпреварувања. Да се триумфира е многу комплицирано, но наша должност е да се натпреваруваме на секој натпревар како и секогаш во овој клуб. Никогаш не се откажувајте и натпреварувајте се до крај. Тоа е она што треба да го правите кога ќе го облечете тој дрес, -подвлече Италијанецот.