Анчелоти со комплименти за Родриго: Тој е наш најдобар играч по СП

Екипата на Реал Мадрид оствари победа на гостувањето кај Севилја од 2-1, победа во која најголема улога имаше младиот Родриго Гоеш.

Бразилскиот репрезентативец ги даде двата погодоци за тимот од шпанската престолнина и со тоа само потврди дека се наоѓа во одличен ритам. Тој има 9 голови и 8 асистенции во Примера, па за тие негови партии доби комплименти од тренерот Карло Анчелоти.

-По СП тој е наш главен играч, многупати направи разлика, има фантастичен квалитет. Може да игра секаде во нападот, во средината страда при дуели, меѓутоа во транзиција знае да направи голема штета, порача Дон Карло.

Реал до крајот на сезоната има уште еден меч и тоа против Атлетик Билбао на „Сантијаго Беранбеу“.