Анчелоти со коментар за настапот на Мбапе: Најдобар натпревар досега

Реал Мадрид победи на гостувањето кај секогаш незгодниот ривал Реал Сосиедад, а Килијан Мбапе со новиот погодок успеа да ја продолжи позитивната серија во својот нов клуб.

Тренерот Карло Анчелоти делел комплименти за Французинот по натпреварот, потенцирајќи дека ова бил најдобар натпревар досега за Мбапе во дресот на Реал.

– Мбапе изгледаше посвежо, беше поактивен со топката.

– Тој е многу опасен, добро комбинира со Винисиус и другите офанзивни фудбалери. Напредува и овој натпревар ми се допадна посебно од аспект на неговиот настап, – рекол Анчелоти, кој меѓу другото признал и дека неговиот тим имал среќа на гостувањето во Сан Себастијан.

– Ова беше тежок натпревар, не заслуживме да победиме. Сосиедад играше добро, ние издржавме и тоа посебно го ценам, – потенцирал тренерот на Реал.