Поврзете се со нас

Шпанија

Анчелоти со еден збор ја опиша неверојатната драма на „Месталја“

Објавено

на

Foto:twitter.com/realmadrid

Новинарите од Мадрид зборуваа за фудбалски скандал по крајот на супер возбудливото дерби меѓу Валенсија и Реал Мадрид кое се одигра на „Месталја“, бидејќи една секунда пред да биде постигнат гол за 2:3, судијата Хил Мансано означи крај на натпреварот.

Со тоа, погодокот кој го постигна Џуд Белингам не беше важечки и Реал остана без пресврт и победа на тешкото гостување, ситуација која предизвика и огромна мешаница на теренот која резултираше со црвен картон за стрелецот на голот.

За разлика од новинарите, Карло Анчелоти се обиде да остане прибран и по натпреварот не го употреби зборот скандал, туку едноставно целата драма на „Месталја“ ја опиша со зборот „преседан“.

– Нема што многу да се каже, ова е невидено. После избиената топка, поседот остана кај нас и акцијата требаше да заврши ако топката дојде кај играч на Валенсија. Никогаш не ми се случило вакво нешто, нема што повеќе да се додаде.

– Дали ова е скандал? Ова е преседан, ќе го искористам овој збор за да ја опишам ситуацијата. Никогаш не ми се случило во кариерата, ова е преседан, – заврши Анчелоти.

Реклама
Реклама
Реклама

Популарни