Анчелоти: Сега треба да ставиме шлаг на тортата за крај на 2024. година

Карло Анчелоти остана мирен по уште едно реми на Реал Мадрид во шпанската Ла Лига, а како што порача самиот, причина за тоа е добрата игра која ја прикажал неговиот тим на „Валјекас“.

„Кралевите“ се враќаа од два гола негатива и направија пресврт за 2:3, но сепак Рајо брзо се врати преку Иси Паласон и голот за 3:3 се покажа како последен на ова мало дерби.

До крајот на мечот, Реал беше оштетен за недосуден пенал над Винисиус Жуниор, а иако Карло го посочи овој момент во официјалното обраќање, сепак побара од своите фудбалери да се насочат кон она што следи.

Реал во среда ќе го игра финалето на Интернационалниот Куп против Пачука, па тоа е нова прилика да се освои трофеј на крајот на 2024-та година.

– Не сум загрижен после вакво реми. Создадовме голем број шанси, не ни досудија чист пенал, не можам да барам повеќе од играчите од нападот. Иднината е добра за нас, ќе ни се вратат повредените играчи и ќе биде уште подобро. Сега треба да го освоиме Интернационалниот Куп. Тоа ќе биде наш шлаг на тортата на неверојатната 2024-та година, – изјави Анчелоти.