Анчелоти се збогуваше со еден првотимец на Реал: Фантастичен фудбалер, но можеше да направи повеќе

Животниот пат на еден фудбалер носи интересни приказни, па таква е и онаа на Иско Аларкон кој пристигна како огромна ѕвезда во Реал Мадрид, а си заминува како играч кој го загуби првотимскиот статус.

Иско дебитираше за првиот тим на Реал Мадрид на натпревар против Бетис во 2013-та година и запиша гол и асистенција во победата од 2:1, но судбината посака својот последен меч во белиот дрес одново да го одигра против тимот од Андалузија.

Офанзивниот фудбалер вчера се збогуваше од гледалиштето на „Сантијаго Бернабеу“ и за последен пат одигра домашен меч како играч на Реал, па така става крај на една незаборавна етапа во кариерата која траеше девет години.

– Зборував со Иско на оваа тема пред натпреварот. Тој дебитираше за реал против Бетис и постигна гол, а сега се збогува исто така против Бетис. Тој имаше фантастична кариера во Реал и беше клучен во многу успеси на тимот.

– Можеше да направи и повеќе од ова, тоа е вистина, но сепак сметам дека ќе се памети како клучен дел од шампионскиот тим. Играше многу важни натпревари, финалиња и квалитетот никогаш не недостасувал. Му посакувам се најдобро во иднина, – изјави Анчелоти.