Анчелоти се занесе по победата над Леганес: Тој е најдобриот на светот

Реал Мадрид немаше проблеми и рутински се справи со Леганес на вчерашниот меч во Примера со што дополнително ја намали разликата во однос на лидерот Барселона.

Килијан Мбапе, Федерико Валверде и Џуд Белингем беа стрелци на погодоците за фаворитот кого сега го очекува тешко европски предизвик со Ливерпул, меч за кој тренерот Карло Анчелоти нема да може да смета на сите играчи.

-Лукас и Чуамени… не знаеме, но ќе се обидеме да ги вратиме. Вистината е дека Феде одлично се снајде во дефанзивата. Како и Асенсио кој имаше многу сериозна партија, одигра зрело. Навистина ми се допадна, -рече Анчелоти кој потоа претера со изјавата за Валвере посоочувајќи дека е најдобар десен бек на светот по Дани Карвахал и Лукас Васкез.

-Валверде е фантастичен бек.По Карвахал и Лукас Васкез, тој е најдобриот десен бек во светот. Неговиот проблем е што може да игра на ова ниво на многу позиции, а проблемот на тренерот е да ја избере неговата најдобра позиција за тимот. Но, ми се допадна во дефанзивата, има неверојатна брзина. Ќе видиме дали Лукас и Чуамени ќе се опорават. Ако не, ќе донесеме одлуки, -порача Италијанецот.