Поврзете се со нас

Шпанија

Анчелоти: Се случи нешто необјасниво, се загрози интегритетот на еден фудбалер

Објавено

на

Foto:x.com/realmadrid

Карло Анчелоти се подготвува за Куп пресметката против Леганес во четвртфиналето кое утре ќе се игра на „Бутарке“, стадион на кој италијанскиот стручњак ќе мора да прави доста претумбации во стартниот тим, не само поради отсуството на дефанзивци, туку и поради ситните повреди на Килијан Мбапе и Џуд Белингам.

Проблемот на Давид Алаба кој беше пријавен ова попладне направи Италијанецот да остане само со Асенсио како стопер во овој момент, но Дон Карло најави дека на утрешниот меч поради мали проблеми нема да настапат и двете големи ѕвезди од нападот.

Тренерот на Реал смета дека неговиот тим е доволно добар да се справи и без нив двајца во офанзивата, но обраќањето пред новинарите го искористи за да се наврати на моментот од минатиот викенд, односно непокажаниот црвен картон на Карлос Ромеро за крвничкиот старт над Килијан Мбапе.

– Дали верувам во судиите? Се случи нешто што е необјасниво со зборови. Кога зборуваме за заштита на интегритетот на фудбалерите, треба да преземеме мерки за да го направиме тоа.

– Реал Мадрид како клуб побара објаснувања за оваа одлука и јас ја поддржувам реакцијата на клубот. Во дадената ситуација, не се направи ништо за да се заштити интегритетот на еден фудбалер, а во случајот тоа беше Мбапе, – изјави Анчелоти.

Advertisement
Advertisement

Италија

Advertisement

Популарни