Анчелоти се огласи и стави крај на сите дилеми за трансфер пазарот ова лето за „кралевите“

Реал Мадрид сезонава делува незапирливо на хартија, а со купувањето на Килијан Мбапе само го засили и онака силен арсенал. Карло Анчелоти не сака повеќе нови играчи.

„Галактикосите“ се исклучително моќни во нападот, но се чини како да недостасува уште еден стопер за да се комплетира ротацијата и да бидат подготвени за евентуални проблеми со повреди.

Тренерот на Реал, Карло Анчелоти, сепак не сака да доведува нови играчи во овој преоден рок:

„Нема да донесеме нови играчи во последен момент на ниту една позиција, ниту на позицијата стопер. За нас преодниот рок е завршен“, изјави тренерот на мадридскиот клуб.

Ситуацијата со стоперите изгледа како ризик, особено ако се земе предвид дека Давид Алаба има проблеми, и дека Едер Милитао неодамна имаше сериозна повреда, сепак Анчелоти е сигурен во својата одлука:

„Тоа не е ризик. Имаме добри играчи како Асенсио, Јакоб и Чуамени кои можат да помогнат на таа позиција“, изјави Анчелоти.