Анчелоти се налути: Проблемот е во шпанскиот фудбал! (Видео)

Експедицијата на Реал Мадрид пристигна во Рабат и веќе се наоѓа во Мароко, а оттаму пристигна и официјалната прес-конфереција која ја одржа Карло Анчелоти.

Европскиот првак утре во второто полуфинале ќе ги одмери силите со Ал Ахли, па иако станува збор за интернационален предизвик, Карло Анчелоти на пресот одново говореше за се поактуелната тема во последно време.

Винисиус Жуниор беше жртва на нови провокации на натпреварот со Мајорка и влезе во директна вербална конфронтација со Мафео и Раилјо, па во ситуација кога дел од јавноста ја префрла вината и кај Бразилецот, Дон Карло сериозно застана во негова одбрана.

– Јас би поставил друго прашање? Проблемот е Винисиус или соиграчите на Винисиус кои не го бранат доволно? Од што би го бранеле? Тука изгледа дека проблемот е Винисиус.

– Проблемот е тоа што се случува околу Винисиус и точка. Проблемот е во шпанскиот фудбал. Бидејќи и јас сум дел од шпанскиот фудбал, тоа е проблем кој мора да го решиме. Изгледа како Винисиус да е виновнкиот, а всушност Винисиус е жртва од нешто што јас не можам да го сфатам, – изјави Карло.

👀 Ancelotti se pone serio con el 'caso Vinicius': "¿Cuál es el problema?…" pic.twitter.com/aKCjFehgAX

— MARCA (@marca) February 7, 2023