Поврзете се со нас

Светски првенства

Анчелоти: Роналдо може мисли дека има 20 години, но….

Објавено

на

Foto:twitter.com/realmadrid

Карло Анчелоти одработи поопширно интервју за „Газета“ и во истото го посочи својот главен фаворит за освојување на титулата на Светското првенство, но говореше и за теми кои се доста блиски за него поради минатото, но и поради фактот што е тренер на најтрофејниот клуб во Шпанија.

Дон Карло типуваше дека светската титула ќе му припадне на Бразил, но доби прашања и за однесувањето на Кристијано Роналдо и болната елиминација на шпанската фудбалска репрезентација.

– Кристијано? Не го гледав последниот меч на Португалија, бев на пица со моите внуци. Останал на клупата? Не ме чуди, во фудбалот се е возможно. Тој можеби мисли и се чувствува како да има 20 години поради тоа што добро го чуваше своето тело, но во селекцијата има голема конкуренција.

– Можам да говорам за тоа јас како го доживував. Јас немав никогаш проблем со него. Напротив, тој ми ги решаваше сите проблеми. Како може да биде проблем човек кој постигнува гол на секој меч. За мене беше многу лесно да се справам со него.

– Тики-така фудбалот на Шпанија? Јас не се срамам да седам позади и да чекам шанса на контра, дури и кога имам играчи со големи квалитети. Со играчи како Винисиус и Мбапе, кога ќе ја украдете топката ќе бидете како деликвенти. Мурињо е еден од најголемите, а самиот кажал дека има победено многу натпрвари со цврста дефанзива и контри, – вели Анчелоти.

Реклама
Реклама
Реклама

Популарни