Анчелоти потврди дека Реал затворил едно прашање: Тој го продолжи договорот со клубот

Реал Мадрид се подготвува за новиот предизвик во Примера, соочувањето со Алавес закажано за утревечер од 21 часот на „Сантијаго Бернабеу“.

„Кралевите“ се апсолутни фаворити и ќе бараат победа со која ќе се обидат да ја намалат разликата во однос на првопласираната Барселона.

Во пресрет на овој нов тест во шампионатот, тренерот на екипата Карло Анчелоти обелодени дека клубот затвори едно важно прашање, а тоа е иднината на Ферлан Менди. Договорот на левиот бек му истекуваше наредната година, но тој и во иднина ќе остане овде затоа што е продолжена соработката со него.

-Ние сме воодушевени од него, тој го обнови договорот и работи многу добро. Одбранбениот сегмент во неговата игра е на високо ниво, а исто така може без потешкотии со топка. Сепак не барајте од мене да барам од него да ја преземе улогата на крилен играч, -порача Анчелоти.