Поврзете се со нас

Шпанија

Анчелоти посебно е воодушевен од една ѕвезда на Реал: Тој е најкомплетен играч во светскиот фудбал!

Објавено

на

Foto:x.com/realmadrid

Карло Анчелоти го врати Реал Мадрид на вистински пат по разочарувачкиот пораз на „Ел Класико“ и неговиот тим запиша три убедливи победи во низа, а вечерва ќе ја брка и четвртата.

„Кралевите“ му гостуваат на Валјадолид кој е во опасната зона на табелата, па за очекување е Реал да оствари рутинска победа и да го одбрани првото место кое го брани од минатата недела.

Анчелоти е свесен дека во овој тежок и напорен период ќе мора да одмора и дел од своите најдобри ѕвезди, но ако постои еден фудбалер од неговиот тим кој сака да игра на секој меч, тогаш тоа без сомнеж е Феде Валверде.

Уругваецот покриваше повеќе позиции од стартот на сезоната и поради тоа е играчот од кого е најмногу воодушевен и искусниот Дон Карло, кој сега во најавата за пресметката со Валјадолид го нарече Уругваецот „најкомплетен играч во светот“.

– Феде се оформи во комплетен фудбалер и стана многу важен за нас. Може да покрие многу позиции на теренот и на сите одговара перфектно. Тешко е да пронајдете десен бек како него, дури и мене ми е тешко да ја изберам најдобрата позиција за него.

– Јас го ставам на позиција на која сметам дека е најдобар за тимот, никогаш не бара од мене да игра на дадена позиција. За мене, тој е најкомплетен играч во светот, може да игра на сите позиции, без проблеми ќе се снајде и како стопер, – тврди Анчелоти.

Advertisement
Advertisement

Италија

Advertisement

Популарни