Анчелоти: Овој Реал никогаш нема да има проблеми со постигнување голови

Карло Анчелоти не е загрижен поради фактот што Килијан Мбапе не постигна гол во првите две кола на Ла Лига и вели дека неговиот тим се адаптира како и на секој друг почеток на сезоната.

– Секоја година тимот претрпува одредени промени, се менува структурата и тоа е нормално.

– И минатата сезона ни беше потребно време, во почетната фаза добивме многу натпревари со гол постигнат во последните моменти. Мора да продолжиме да се адаптираме и сезонава за да ја пронајдеме најдобрата верзија.

– Постигнавме шест гола на три натпревари на кои не одигравме најдобро, постигнувањето голови никогаш нема да биде проблем на овој Реал кој има навистина многу ресурси.

Мбапе нема постигнато гол две недели и воопшто не е загрижен, исто како и јас. Винисиус нема постигнато гол од почетокот на сезоната и воопшто не е загрижен, – рекол Анчелоти.