Анчелоти објасни зошто не му овозможи деби на Ѓулер против Рајо

Карло Анчелоти по ремито со Рајо Валјекано призна дека донел погрешна одлука што го извадил Лука Модриќ на 20 минути пред крајот, но новинарите ги интересираше зошто не му даде шанса на играчот кој сите со нетрпение го очекуваат.

Арда Ѓулер веќе неколку недели тренира со првиот тим и целосно е залечен од повреите кои ги имаше, но Дон Карло реши да не ризикува со него во ситуација кога тимот брка резултат.

Пред натпреварот, сите прогнозираа дека Арда конечно ќе го дочека своето деби во дресот на Реал Мадрид, но сега ќе мора да се стрпи и да почека уште неколку дена.

Италијанецот не сакаше да открива кога точно ќе го пушти во игра талентираниот Турчин, меѓутоа нагласи дека мечот со Рајо не бил поволен со оглед неодамнешната историја со повредите.

– Не беше моментот за да има деби настап. Имаше многу борба на теренот, имаше многу високи топки и жестоки дуели. Ова не беше меч за него. Мора да бидеме трпеливи и мирни, верувам дека набрзо ќе можеме да го видиме на теренот, – изјави Карло.