Анчелоти: Невозможно е да го замениме, мора…

Реал Мадрид новата сезона во шпанската Примера ќе ја започне на гостински терен или поточно со меч против Мајорка во вечерниот термин од 21:30 часот.

Ова е средба која доаѓа по успехот на „кралевите“ во Супер Купот на УЕФА каде беше совладана Аталанта со 2-0. Меѓутоа шпанскиот шампионат е сосема друго натпреварување, натпреварување на долги стази во кое на Реал дефинитивно ќе му фали Тони Крос и тоа го признава тренерот Карло Анчелоти.

-Првиот натпревар помина добро, секогаш ќе ни недостасува Крос, тој беше посебен играч. Невозможно е да се бара друг, мора да се прилагодиме.

-Тимот е затворен, треба да почекаме да се затвори пазарот. Мислиме дека Алаба ќе се врати. И имаме млади играчи кои можат да играат. Немавме среќа со повредата на Жоан. Асенсио и Јакобо можат да придонесат, -порача Анчелоти.