Анчелоти нема што да тактизира: Составот на Реал објавен неколку часа пред финалето

Карло Анчелоти има навистина силен состав за финалето на Лигата на шампионите, а дека не планира нешто посебно да тактизира, говори и податокот дека ги објави стартните единаесет на околу три часа пред почетокот на дуелот меѓу Реал Мадрид и Борусија Дортмунд.

Тибо Куртоа ќе стартува на голот, нешто што беше најавено од Анчелоти на вчерашниот прес, а нема никакви други изненадувања, вклучувајќи го и фактот дека Хоселу, Васкез и Модриќ се на клупата за резервни фудбалери.

Карвахал, Ридигер, Начо и Менди се дел од дефанзивната линија, додека во средниот ред ќе стартуваат Камавинга, Крос, Валверде и Белингам.

Сосема очекувано, Винисиус и Родриго сочинуваат бразилски тандем во нападот, додека џокерот од полуфиналето Хоселу ќе чека шанса од клупата.

📋✅ ¡Nuestro 𝗫𝗜 inicial para la final!
🆚 @BVB#UCLfinal | #APorLa15 pic.twitter.com/2B4HyEtdNa

— Real Madrid C.F. (@realmadrid) June 1, 2024